Tursti-nettet på Jøsneset er under stadig forbetring – De huskar kanskje den flotte artikkelen på nettsida TURANBEFALINGER om Herefjellet !! Flott reklame for Jøsnesheia. Det var ei fantastisk skildring av turen Åsland – Norda Høgaste t/r. Men det blei kommentert at det var eit par stader merkinga var litt uklar. Vel – nå er dette retta opp. Jostein, Berit og Lene Hjorteland tok søndagsturen hit sist søndag – og nå er ruta på vestsida av Asheimstemmen og vidare oppover mot Norda Høgaste friska opp og er lett å finne.
Denne ruta går altså på vestsida av Asheimstemmen – og vidare oppover på vestsida av høgdedraget.
Etterkvart som høgdemetrane stig – blir utsikta meir og meir vakker – frå denne vestlege ruta er det flott utsikt utover Ombofjorden og øyriket, og vestover mot Nedstrand.
Og når ein er oppe blir ein premiert med denne vakre utsikten rett ned i Erfjord og Bogsundet !
Og nå er ein liksom ikkje i tvil om at ein er på rett plass – for nå er òg stadnamnskiltet kome på plass ved turpostkassen på Norda Høgaste
Kva anna kan me seie : TA TUREN !!!
Oppdater deg på Jøsneset
Bli abonnent, og få oppdateringar frå Jøsneset tilsendt på e-post.