Det er ikkje berre i Beijing det kjempast hardt om heder og ære i desse dagar. På Ungdomslaget sin årlege Aktivitetsdag kjempa både små og store jøsneskalvar iherdig om «gullet». Arrangementet fant stad i Skiftustranda i eit strålande augustvær.
Det vart kjempa i fleire klassar:
Barnehagealder: dei var med på to aktivitetar: «fyll vann i bolle» og «sandslottbygging». Enkelte syns nok det var litt skummelt med så mykje publikum, medan andre kjørte på for fulle mugger. Uansett var det flott innsats av alle små – som fekk kvar sin lille premie.
Små/stor-skulealder: desse var med på alle fem aktivietar 1) fylle-vann-i-bolle 2) gå planken 3) steinkast i rokkering 4) kappløp og 5) sandslottbygging. Alle barna klarte å balansere på planken i sjøen – det klarte ikkje alle dei vaksne ! Sandslottbygging var dei òg meistrar i, og i kappløpet gjorde dei det kjempeflott.
Herreklasse: I denne klassen deltok òg dei påtroppande ungdomsskule-gutane. Dei klarte seg kjempefint i konkurranse med dei vaksne. Men likevel viste resultatlista at «dei gamle framleis er best». Sven har vunne vandrepokalen to gonger før, og kjempa hardt for tredje seier – og dermed få behalde pokalen. Han fekk hard konkurranse, spesielt av Eilef – nykommar av året. Dei låg jamnt heilt til slutt, men Sven drog av med ein knepen seier – 1 poeng meir enn Eilef.
Dameklasse: her var det fem spreke morer som deltok (hm: ingen konkurranse frå dei unge «kvigene»»?). I balansekonkurransen var nok kne-skjelven litt for stor etter førre øving, for alle damene plaska i vatnet – ned av planken ! Men konkurransen i dameklassen blei òg jamn. Så jamn at Jorunn og Ingeborg måtte til med omkamp i steinkasting-konkurransen. Etter tre-fire rundar med jamn steinkasting, drog til slutt Ingeborg seieren i land med flest blink i rokkeringen. Flott innsats av alle damer !
__
Begge dei gjeve vandrepokalane «året stut» og årets kvige» gjekk altså i år til Foss: Sven og Ingeborg Westersjø – som attpåtil feira 5 års bryllupsdag. Ein lykkedag for radarparet med andre ord: me gratulerar ! Ein kjemepegod 2.plass til Åslands-paret Jorunn og Eilef Foss!
Ungdomslaget takkar alle som deltok – både vaksne og barn. Ved aktiv deltaking blir ein slik dag både spennande, sosialt og moro for alle ! Og her kjem nokre fleire bilder, og resultatlista finn de heilt til slutt:
Vinnarane av vandrepokalane «årets stut»: Sven og «årets kvige» Ingeborg !
Resultatliste
I klassen for «Årets stut»:
1. Sven Westersjø 20 poeng
2. Eilef Foss 19 p
3. Jone Hjorteland 13 p
4. Jonas H Gbada 12 p
4. Eirik Fossaa 12 p
4. Frode Tjeltveit 12 p
5. Thomas T 9 p
6. Jarle Langvik 6 p
I klassen for «Årets kvige»:
1. Ingeborg Westersø 16 poeng + 9 i omkamp
2. Jorunn Foss 16p + 7 i omkamp
3. Anne Auglend 14p
4. Svanhild H Gbada 13p
5. Silje Sværen 10p
Oppdater deg på Jøsneset
Bli abonnent, og få oppdateringar frå Jøsneset tilsendt på e-post.