Som signalisert frå regjeringa blir det nye reglar for jakt i Norge. Også på Jøsneset vil denne endringa få betydning. Frå hausten 2026 vil ein gå frå hjortejakt til elgjakt her på Jøsneshalvøya.
Etter at Senterpartiet gjekk ut av regjeringa framskunda Arbeidarpartiet regelendringa og nokre av desse reglane vil gjelde allereie frå hausten av, då særleg jakt på vadefugl og lettebeinte gnagerar. Statens Naturoppsyn (SNO) er allereie i gang med å kalle inn til lokale møter for å gå gjennom dei nye reglane med jaktlaga rundt forbi. Krister Seljeset, som er rovviltkontakt for SNO og bur på Randøy, fortel at etter at dei nye reglane blei kjent så har ein sett at fleire kommunar har forsøkt å lokke til seg elg slik at ein vil ha nok dyr å jakte på til hausten 2026. Blant anna har både Bykle kommune og Valle kommune i Agder satt i verk tiltak for å auke elgbestanden. Begge desse kommunane ligg tett på Hjelmeland og kjempar difor om dei same elgane. Hjelmeland kommune har til nå ikkje vurdert slike tiltak, men fortel at dei er usikre på kva dei skal gjere med alle hjortedyra som nå ikkje vil bli jakta på. Kommunen seier vidare at denne regelendringa også kan sjåast på som eit seniortiltak. Gjennomsnittsalderen for jegrar har gått opp dei siste åra og då er det viktig å ha noko stort å sikte på, seier kommunedirektør Janne Johnsen. Ho meiner at dette er god forvaltning på lågaste nivå på innsatstrappa. SNO seier at det viktigaste nå er at alle jegrar set seg inn i dei nye reglane. Omrekninga av kvotar vil ein kunne få hjelp til, sidan det kan være komplisert å forstå. Ein halv hjort tilsvarar 1/17 elg.
Så får me sjå om skogens konge vil gjeste Jøsneset slik at me får ei spanande haustjakt også i åra framover.
Gode oppskrifter for elggryte finn du her.
Oppdater deg på Jøsneset
Bli abonnent, og få oppdateringar frå Jøsneset tilsendt på e-post.