Me skal oppgradere/pusse opp på Grendahuset, og bytte dører slik at det blir terskelfri og god inngang til lokalet – i tråd med reglane for universell utforming av forsamlingslokaler.
Me treng NÅ frivillige som kan vere med å rive ut vegger og golv i romma + folk til å kjøre skrot til Viganeset gjenvinningsstasjon.
Akkurat NÅ står det ein del skrot ute ved kjellarinngangen. Veldig bra viss nokon med bil og hengar kan få dette over til Viganeset gjenvinningsstasjon.
Me vurderte det som at dusjgarderobegardinene faktisk òg har gjort sitt, og nå kan sendast til sin siste kvile……eller til gjenbruk?
Lokalet har ikkje vore pussa opp sidan det var nytt på 70-talet. Dusjane skal bort, og det skal lagast godt, terkselfritt og romsleg inngangsparti + betre lagringsplass for gymutstyr og anna. Dei to toaletta blir behaldne, men litt oppgradering må til der òg.
Her er den gamle garderoben – Nå er det plan for nye, breiare og terskelfrie dører inn til gymsalen. Veggene mot dusjane skal vekk. Lokalet er nå rydda ut, så det er klar for riving.
Me set stor pris på frivillige som kan hjelpe til nå i starten.
Det vil i hovudsak bestå av riving av vegger og golvbelegg, demontering av eit stort skap o.a. Me treng òg folk som kan kjøre bort rivingsavfall.
Ta kontakt med Silje 950 62 607 eller Svanhild 970 07 636
Etter at rivinga er ferdig, kjem Hjelmeland bygg for å gjere ein god del arbeid. Etterkvart i prosjektet vil det òg bli behov for frivillig hjelp, td til maling og diverse. Jo meir me får gjort på dugnad, jo rimelegare blir prosjektet. Så still deg til disposisjon.
Bygdarådet har sett av midlar til prosjektet og me har òg søkt om tilskot til dette. Meir info følgjer etterkvart
Men nå først: kva kan DU bidra med ?
Jøsneset Bygdaråd
Oppdater deg på Jøsneset
Bli abonnent, og få oppdateringar frå Jøsneset tilsendt på e-post.