Søndag 19 oktober går årets TV-aksjon av stabelen. I år går inntekta til BLÅ KORS sitt hjelpearbeid for barn og unge som lider under dei vaksne sitt rusmisbruk.
Her på Jøsneset er det Bygdarådet som står for innsamlinga.
Berit S Hjorteland, Silje Sværen, Terje Bremnes og Sven Westersjø vil farte rundt med bøssene
frå kl 15.00 og ca fram til 17.00.
Skulle du ikkje vere heime då, vil det bli sett ein lapp på døra med mellom anna telfonnummer som du kan ringe inn ditt bidrag til.
Skal du ut å reise med ferja utpå ettermiddagen kan det òg hende at du treff Oddbjørn Fossaa, som er ute med bøssa på ferjekaien på Nesvik.
Elles er Helga Havneraas med i kommunekomitèen for TV-aksjonen. Ho er dermed med å koordinere dette arbeidet i kommunen; og er vel med på den kjekke opptellingsjobben om kvelden òg !
Ho fortel at 50 % av innsamla midler vil gå til øyremerka tiltak her i Norge. Ho seier òg at i tillegg til å samle inn pengar, er det òg eit viktig mål å skape større openheit og merksemd kring dette – slik at fleire barn får hjelp. I Norge er det 120 000 barn og unge som lider under foreldra sitt rusmisbruk
Vil du vite meir om aksjonen? Les meir om BLÅ KORS sitt arbeid HER , og følg med på NRK TV på søndag
…….og ta vel mot bøssebærarane !
Oppdater deg på Jøsneset
Bli abonnent, og få oppdateringar frå Jøsneset tilsendt på e-post.