I dag byrja 7 staute Jøsnes-guttar på Hjelmeland Ungdomsskule ! Me undrast på om ikkje dette er eit historisk stort kull frå Jøsneset ? – iallefall beståande av berre gutar ? Me må vel mange år tilbake i tid for å finne tilsvarande mange? Me utfordrar våre lesarar: veit de om eit tilsvarande stort kull frå bygda – så send oss eit tips ! Kva årskull har Jøsnes-rekorden?
Dei 7 guttane Joachim, Thomas, Trond, Sondre, Eirik,Jonas og Jone er ein kjekk og initiativrik gjeng, som har gått i lag heilt frå barnehagetida.
Dei har satt sitt friske preg på bygda i fleire år alt:
Kven hugsar vel ikkje den spontane basaren dei drog heile bygda med på, til inntekt for tsunami-ofra?
Og alle fotballkampane dei har kjempa på 17-mai ? – og mange seirar har dei dratt i land!
Og alle dei morsomme og rørande innslaga på diverse skulearrangement og bygdakveldar opp gjennom åra !
For ikkje å snakke om eigenkomponerte innslag til påskerevyar !
Dei er òg stødige og flittige deltakarar på diverse arrangement i bygda, og arrangerer sjølv av og til turar i lag (som "villmarksturen" oppe i buhagen til Thomas (sjå foto).
Trass i at dei nå dreg over fjorden på skule, så håpar me å sjå guttane ofte i lag med oss her i bygda òg ! Me tipper at dei blir savna her på Jøsneset skule – både blandt store og små. Og kjenner me dei rett så set dei sitt friske preg òg på ungdomsskulemiljøet på Hjelmeland !
Me ønskjer guttane lykke til på Ungdomsskulen ! 
Oppdater deg på Jøsneset
Bli abonnent, og få oppdateringar frå Jøsneset tilsendt på e-post.