Årets 17.maifeiring blir lagt til den 16. mai

17.maikomitéen vil i år prøve noko nytt slik at flest mogleg kan få vere med på feiringa her på Jøsneset. Feiringa vil difor bli lagt til den 16. mai, som er ein måndag. Dei håper at fleire vil ha anledning til å komme dersom det blir i forbindelse med ei langhelg.

Les meir: Årets 17.maifeiring blir lagt til den 16. mai

HARDHAUSEN 2022 - 1. pinsedag

Me er klar for HARDHAUSEN og 3-nutstur 1. pinsedag 5 juni 2022.  Nå i normal form igjen,  etter to år med korona-light-variant!  Det betyr at årets arrangement blir avvikla på ein og same dag: søndag 5. juni . Og at det igjen blir sosial samling og felles base ved gapahuken på Fosstemmen !! Her blir sekretariatet på plass heile dagen, med fyr i bålpanna og premiering på slutten av dagen.  Her finn du meir info om arrangementet, og elles kjem meir spesifikt om årets arrangement etterkvart ! Vktig nå: Set av datoen !!!

Les meir: HARDHAUSEN 2022 - 1. pinsedag

Påskebasar 13. april

Onsdag 13. april kl 19.00 blir det Påskebasar på Jøsneset.

Endelig kan me møtast igjen, og difor blir det i år tradisjonell basar på Bedehuset. 

Les meir: Påskebasar 13. april

Strikkekveld 23.mars

Minner om strikkekveld  - Trivselstova - onsdag 23. mars kl 19.00 - 21.00

Les meir: Strikkekveld 23.mars

Gratulerar Eiane Gard og Buhagen !!

 Foto: Hanen
Prisdryss til fruktdyrkarane på Jøsneset: Buhagen v/Jostein Hjorteland og Eiane Gard v/Jon Eiane Brandal !!  Sider og eplemost herfrå held gullstandard, og er i norgestoppen!! HANEN har sammen med Norsk Eplefest kåra Norges beste eplemost, sider og fruktvin. Og dei to her tok heim 1 GULL og 2 SØLV : 
EIANE GARD vant gull med "Årets nykommer med smakstilsetning" med sideren BRIST, og fikk òg gullstandard/2. premie i kategorien "Sider med smakstilsetning" for same produkt.
BUHAGEN fekk òg gullstandard med 2. premie i kategorien "Eplemost ren" med produktet Buhagen Aroma

Les meir om kåringa og kategoriane for Norges beste fruktdrikkar

 
Eplesiderane frå Eiane Gard blei lansert 3. mars 2022, så her gjekk det fort å få pris gitt (Foto: Eiane Gard)

Buhagen sin Eplemost Aroma, Foto: Lene Hjorteland

Produsentane har hatt godt samarbeid ut over frukthausten 2021, og alle epla er pressa og tappa på Skiftun !
Alle på Jøsneset gratulerar masse med flotte prisar.  Produkta er å kjøpe lokalt (såklart)  på GARDSBUTIKKEN PÅ EIANE OG PÅ KRAMBUÅ SKIFTUN !!

Tusen takk for innsatsen!

Torsdag 10. mars var det årsmøte for Bedehuset og Bygdarådet. 
Denne gong blei det halde i det fine Grendahuset – der det var godt og varmt!

Les meir: Tusen takk for innsatsen!

Hurra for Jøsnesdamene !

Gratulerar med dagen ! Me "feirar" kvinnedagen med desse friske, flotte Jøsnesdamene frå 1959 !! Bildet er teke på turistforeningshytta Sandsa påsken det året, då dei regjerte på kjøkkenet der.  Fotoet stod på trykk i Stavanger Aftenblad.  Kvinnene er frå venstre Marta Hauge (gift med lærar Andreas Hauge/budde på Jøsneset skule), Tomine Foss frå Krokane var sjefskokkå saman med nestekvinne i rekka: Bertha Hagen (som budde i Hagen, søster til Marton og Peder) og ute til høgre Magnhild Bergesen, datter av Magla og Olav, og som vaks opp på Asheim.   Tomine blei sidan òg legendarisk for si vertskapsrolle på Stavanger turistforening si hytte på Breiborg(mellom Sauda og Røldal). Begge desse hyttene var svært populære utfartsmål på den tida. Hurra for Tomine og resten av kvinnegjengen !  Takk til Svein Hauge som sendte over bildet 

Biletet er òg ei påminning om at me ønskjer fleire gamle Jøsnesbilder !!! Har du foto å sende over? Me er på jakt etter bilete frå kvardagsliv og fest, frå hendingar og landskap - alt som er med på å fortelje vår felles lokale Jøsnes-historie.  Me har samla inn nokre allereie og vil  "dryppe ut" litt etterkvart, og deretter legge dei under fana "Gamle bilete" - der det alt ligg nokre.   Foto sendast til Denne e-postadressa er beskytta mot program som samlar e-postadresser. Du må aktivere javaskript for å kunne sjå den.