Langfredag blei det arrangert Jøsnesmeisterskap i pingpong på Grendahuset. Det var god stemning både i kafeen og gymsalen, der 44 deltakarar var i sving. I alt blei det spelt 112 kampar!
Både jøsnesbuar og feriegjester kom også innom for å kjenna på stemninga, og for å treffa kjende i kafeen.
Herreklassen var størst, med 26 deltakarar. I finalen sto det mellom Jon Magne Nesvik og Roar Fjermestad, der Roar drog sigeren i land.
I dameklassen blei det eit reint Foss-oppgjer mellom mor og datter Westersjø, der Anbjørg sto att som vinnar. Barneklassen kunne visa fram mange unge talent, og blei vunne av Liam Fjermestad som slo Alfred Tesdal Nesvik i finalen.
Gratulerer til klassevinnarane Roar, Anbjørg og Liam!
Oppdater deg på Jøsneset
Bli abonnent, og få oppdateringar frå Jøsneset tilsendt på e-post.