Siste nytt
- Billettsalet til Smashing Jøsneset er i gang
- Sankefestival og Smashing Jøsneset
- På jakt etter DÅPSKJOLEN
- Velkommen til felles jonsokfeiring
- Totalforbod mot å gjere opp eld
- Sett av datoen!!
- Hardhausen 2018 var fantastisk - takk alle deltakarar !!
- Velkommen til HARDHAUSEN - 3-NUTSTUR!!
- Nydeleg 17.mai-feiring på Jøsneset
- Velkommen til 17.mai-feiring på Jøsneset
DAMPEN KJEM !
DAMPEN KJEM - FOTO: SVEIN HAUGE, på midten 60-talet.
Svein Hauge, oppvaksen på skulehuset på Jøsneset, var allereie på 60 talet ein glimrande fotograf. Med kameraet sitt fanga han opp både portrett og bygdesituasjonar, som han nå - 50 år etter - deler med seg på Facebook, òg på Jøsnes-Facebook. Dette bildet er eit nydeleg døme på ein kvardagsituasjon på Skiftunkaien - og Svein sjølv skriv i innlegget:
DAMPEN KJEM - Skiftun i midten av sekstiåra
Dagens høgdepunkt i oppveksten var då rutebåten kom frå byen. Dei som hadde ærend og dei som hadde ikkje treftes på kaien . Dei vaksne til drøs og me ungane til leik og påfunn. Her sit SAMFUNNETS STØTTER i goddrøs. Frå venstre Nils Foss som var kraftverksbestyrar. Eg kan tenke meg at han framleis har rekorden i vender opp Fosstien til Inntaksdammen, Fosstemmen og Krogastemmen for å regulere vasstilførsla med enkle treluker. Særleg om vinteren var kvar dråpe viktig for å ungå straumrasjonering. Trass i iherdig innsats kunne det bli straumsparing. Eg hugsa straumen vart heild borte ein gong i femtiåra, då måtte lampane fram att. Bygda fekk straum i 1948.
Ved sida Mælaen, Jone Mæland, handelsmann, telegrafbestyrar og postbestyrar. Fast mann for å ta imot postsekken. Av og til sa styrmannen "Verdi Mæland". Då måtte han ombord å kvittere. Det gjekk vel meir pengar ut av postkontoret enn inn.
Nr tre frå venstre sit Daniel bror til Nils. Han var også lettføtt hugsar eg. For i heia og plukka fine tyttebær til salgs om haustane
Lengst til høgre Berdines, vegvoktaren. Etter mi meining bygdas sterkaste mann etter å ha sett korleis han kunne turnere store steinblokker med steinbukk, spett og berre nevane. "Hjelmelandsfjord" er i rute med legendariske Warlaen som skipper. Han heldt rutetidene! Gavlabåten på land høyrer til Johannes Nesvik, fruktdyrkar og fiskar. Hardt arbeid for føda. Fritidsbåtane tilhøyrde lærarar, snekka ein lærar i byen, Birger Eikeland, og båten på svai læraren i bygda, Andreas O Hauge, far min, eg og mange med meg gjekk for han gjennom heile folkeskulen.
Set av helga 4-5 august - Smashing Jøsneset og Sankefestival
Set av helga 4-5 august allereie nå - då blir det fleire gode grunnar å legge helga i Hjelmeland. Det blir Sankefestival på Hjelmeland på dagtid 4 og 5. aug og SMASHING JØSNESET lørdag kveld 4 aug. Aktivitetane på Hjelmeland tilpassast aktivitetane på Jøsneset, så her blir det rikeleg høve til å få med seg mykje kjekt denne helga. På Jøsneset blir det hyggelig gjensyn med HANNE SØRVAAG (utekonsert) og deretter fortset utefesten med grillmat og moro og THE KVEDNABEKKJERS som speler opp til dans. Meir info om begge deler kjem.
Har du lyst å bidra på Sankefestivalen td med å selje naturprodukt, demonstrere noko, vere turguide eller bare har lyst på litt informasjon: ope info-og inspirasjonsmøte om Sankefestivalen tysdag 6 mars kl 19.00 i Det Grøna Rommet - Kommunehuset.
Har du lyst å bli med på volleyball ?
Har du lyst å bli med å spele volleyball i gymsalen på skulen - startar opp tysdag 6. mars kl 19.30 - deretter kvar tysdagskveld utover. Passer for alle frå ungdomsskulealder og oppover.
Kontaktperson: Daniel Fossaa
Les meir: Har du lyst å bli med på volleyball ?
Årsmøte i Jøsneset Helselag onsdag 28 februar
Me minner om årsmøtet i Helselaget onsdag 28. februar kl 19.00 i Trivselstova. Det blir vanlege årsmøtesaker, trekning frå turbøkene, ein liten tippekonkurranse, basar og mat. Det blir òg eit innslag av og om HJELMELAND TURLAG sine aktivitetar . VELKOMMEN TIL ALLE
Ny info om årsmøtet Bygdarådet
Bygdarådet melder nå at rådmann Wictor Juul ikkje kjem på årsmøtet som tidlegare annonsert.
For innkalling og info for øvrig, sjå artikkel lengre ned
Nydelege Nesvikheia
Strålande vintervær og lengre dagar gir gode muligheiter for flotte ettermiddagsturar - som her over Nesvikheia denne veka . Her er det fin og godt merka løype mellom Nesvik og skogsvegen på Foss, så dette er ein yppereleg rundtur med flott utsikt over heile bygda og heile Ombofjorden.