Stemningen kunne ikkje vore bedre om det var sjølvaste julenissen som kom !! Ja, for ofte pleier jo Nissen dukke opp på juletrenninga i bygda. Men denne gongen var det banksjef Susanna Poulsen som dukka opp - og stemingen blei vel så høg, for ho hadde med seg ein stor sjekk på kr 28 500,- frå Hjelmeland Sparebank sitt gåvefond. Jøsneset Bygdaråd hadde sendt inn søknad om å få dekke utgiftene til eit stativ som skal stå oppe ved Fosstemmen - Stativet skal lagast av Avanti og skal vere kombinert vedlager og stativ for kanoane Kalven og Kviga - som ligg ved Fosstemmen til fri benyttelse for allmennheten. Unni Fossaa i Bygdarådet tok begeistra mot sjekken, medan gjengen i Trivselstova jubla !